“पळसखेड चक्का शेतकऱ्यांचा तहसील कार्यालयात इशारा — हंगामी बागायती मोबदला न दिल्यास 20 ऑक्टोबरपासून आंदोलन!”
“पळसखेड चक्का शेतकऱ्यांचा तहसील कार्यालयात इशारा — हंगामी बागायती मोबदला न दिल्यास 20 ऑक्टोबरपासून आंदोलन!”
शेतकरी न्यूज चे मुख्य संपादक, श्री बालाजी सोसे
सिंदखेड राजा | 10 ऑक्टोबर 2025 —
आज पळसखेड चक्का येथील शेतकऱ्यांनी तहसील कार्यालयात निवेदन सादर करत प्रशासनाला स्पष्ट इशारा दिला की, हंगामी बागायती क्षेत्राचा मोबदला मिळाला नाही तर 20 ऑक्टोबरपासून तीव्र आंदोलन छेडले जाईल.
गेल्या तीन वर्षांपासून या भागातील शेतकरी अतिवृष्टी, ढगफुटी आणि गारपिटीने त्रस्त आहेत. 2023 मध्ये गारपिटीनंतर आमरण उपोषण करून शेतकऱ्यांनी बागायती मोबदला मिळवला होता. मात्र, यंदा पुन्हा पिके वाहून गेल्यानंतरही प्रशासन जिरायती मोबदल्याचा विचार करत असल्याने शेतकरी संतप्त झाले आहेत.
शासनाच्या जीआरनुसार, सिंचनाखालील (बागायती) क्षेत्रासाठी ₹17,000 प्रति हेक्टर मदतीची तरतूद आहे. गावातील शेतकऱ्यांच्या सातबाऱ्यावर विहीर, बोअरवेल, ठिबक, तुषार यंत्रणा असल्याने त्यांची जमीन बागायती वर्गात पात्र आहे.
शेतकऱ्यांनी स्पष्ट इशारा दिला —
👉 “आम्हाला जिरायती मोबदला मान्य नाही. चुकीने जिरायती FIK अपलोड झाल्यास जबाबदारी प्रशासनाचीच असेल!”
🧾 प्रमुख मागण्या:
1️⃣ सर्व पात्र शेतकऱ्यांना हंगामी बागायती मोबदला द्यावा.
2️⃣ जीआरनुसार योग्य वर्गवारी करून मदत मंजूर करावी.
3️⃣ FIK अपलोडपूर्वी प्रत्यक्ष पाहणी करण्यात यावी.
⚠️ आंदोलनाचा इशारा:
निर्णय न घेतल्यास 20 ऑक्टोबरपासून पळसखेड चक्का येथे जलसमाधी किंवा अन्य तीव्र आंदोलन होईल.
त्याची संपूर्ण जबाबदारी प्रशासनावर राहील.
✍️ शेतकरी योद्धा कृती समिती, बुलढाणा जिल्हा
📍 पळसखेड चक्का, ता. सिंदखे
ड राजा | दिनांक: 10 ऑक्टोबर 2025
