तराळा येथील जिल्हा परिषद शाळेमध्ये प्रजासत्ताक दिनाच्या पार्श्वभूमीवर विद्यार्थ्यांसाठी विशेष लिजिम प्रशिक्षण

तराळा येथील जिल्हा परिषद शाळेमध्ये प्रजासत्ताक दिनाच्या पार्श्वभूमीवर विद्यार्थ्यांसाठी विशेष लिजिम प्रशिक्षण

           वाशिम जिल्हा प्रतिनिधी : विश्वास कुटे

मंगरुळपीर तालुक्यातील तराळा येथील जिल्हा परिषद शाळेमध्ये 26 जानेवारी प्रजासत्ताक दिनाच्या पार्श्वभूमीवर विद्यार्थ्यांसाठी विशेष लिजिम प्रशिक्षण कार्यक्रमाचे आयोजन करण्यात आले आहे. या उपक्रमाच्या माध्यमातून विद्यार्थ्यांमध्ये शारीरिक तंदुरुस्तीबरोबरच शिस्त, संघभावना, आत्मविश्वास आणि देशभक्तीची भावना निर्माण करण्याचा उद्देश ठेवण्यात आला आहे.
लहान वयातच विद्यार्थ्यांना क्रीडा संस्कृतीची गोडी लागावी तसेच पारंपरिक भारतीय खेळांचे महत्त्व समजावे, या हेतूने हे प्रशिक्षण राबवण्यात येत आहे. अनुभवी प्रशिक्षकांच्या मार्गदर्शनाखाली विद्यार्थ्यांना लिजिमचे विविध प्रकार, हालचालींची शिस्तबद्ध रचना, तालबद्धता तसेच सादरीकरणाचे तंत्र सखोलपणे शिकवण्यात येत आहे.
या प्रशिक्षणाला विद्यार्थ्यांचा उत्स्फूर्त प्रतिसाद मिळत असून सरावादरम्यान विद्यार्थ्यांमध्ये विशेष उत्साह आणि चैतन्य दिसून येत आहे. शाळेचे मुख्याध्यापक, शिक्षकवृंद तसेच शाळा व्यवस्थापन समिती यांचे या उपक्रमासाठी मोलाचे सहकार्य लाभत आहे. पालकांनीही या उपक्रमाचे स्वागत करत विद्यार्थ्यांना नियमित उपस्थित राहण्यासाठी प्रोत्साहन दिले आहे.
प्रजासत्ताक दिनाच्या मुख्य कार्यक्रमात विद्यार्थ्यांकडून लिजिमचे आकर्षक व शिस्तबद्ध सादरीकरण करण्यात येणार असून, त्याद्वारे उपस्थित नागरिकांसमोर शारीरिक शिक्षणाचे महत्त्व अधोरेखित केले जाणार आहे. या उपक्रमामुळे विद्यार्थ्यांच्या सर्वांगीण विकासाला निश्चितच चालना मिळेल, अशी अपेक्षा मुख्याध्यापक भगत सर यांनी व्यक्त केली आहे.