जामनेर नगरपरिषद : भाजपचा दबदबा; राष्ट्रवादी (शरदचंद्र पवार गट)ची ठळक नोंद – 23 विरुद्ध 4 जागांवर विजयाचा जल्लोष
जळगाव जिल्हा प्रतिनिधी – बाळू वाघ
जामनेर नगरपरिषद निवडणुकीत भारतीय जनता पक्षाने तब्बल 23 जागा जिंकत स्पष्ट बहुमत मिळवले असून, राष्ट्रवादी काँग्रेस (शरदचंद्र पवार गट)ने चार जागा काबीज करत आपली उपस्थिती भक्कमपणे दाखवून दिली. निकाल जाहीर होताच शहरात कार्यकर्त्यांनी जल्लोषाचे वातावरण निर्माण केले.
राष्ट्रवादीच्या विजयात प्रमुख भूमिका बजावणारे जावेद मुल्लाजी आणि दिलीप खोडपे हे दोन्ही नेते कार्यकर्त्यांसोबत उत्सवात सहभागी झाले. यावेळी त्यांनी नागरिकांचे मनःपूर्वक आभार व्यक्त करत पुढील काळात विकासाच्या कामांना वेग देण्याचा निर्धार व्यक्त केला.
नेत्यांचे म्हणणे, “हा विश्वास जनतेने आमच्या हाती दिलेला दायित्व आहे. जामनेरच्या प्रगतीसाठी ठोस पावले उचलली जातील.”
नगरपरिषदेत संख्याबळ मर्यादित असले तरी पक्षाचा आवाज ठामपणे पोहोचवू, असा विश्वास राष्ट्रवादीच्या गटाकडून व्यक्त करण्यात आला. या बदलत्या राजकीय समीकरणाची शहरात मोठी चर्चा सुरू आहे.
विजयी उमेदवारांचे निकाल
भाजपचे विजयी उमेदवार (निवडक):
प्रभाग १ अ : दत्तू नामदेव जोहरे – १२९७ मते
प्रभाग ३ अ : बाबुराव उखडू हिवराळे – १०८२ मते
प्रभाग ३ ब : माधुरी गजानन कचरे – १३५१ मते
प्रभाग ५ ब : वेणूबाई रमेश माळी – ११९९ मते
प्रभाग ६ अ : मुन्नी हारुन पिंजारी – २०६९ मते
प्रभाग ६ ब : बेगम सईदा बी युनुस खान – १७३३ मते
प्रभाग ८ अ : तेजस संजय पाटील – १५२३ मते
प्रभाग ८ ब : शितल गोकुळ माळी – १३२७ मते
प्रभाग ९ अ : आतिष छगन झाल्टे – १८१९ मते
प्रभाग ९ ब : प्रतिभा जितेश (पप्पू) पाटील – १७९६ मते
प्रभाग १० अ : सुरेखा सुनील पाटील – १२४३ मते
प्रभाग १२ अ : सुहास बाबुराव पाटील – १६५७ मते
प्रभाग १२ ब : नीलिमा राहुल पाटील – १५३९ मते
राष्ट्रवादी (शरदचंद्र पवार गट)चे विजयी उमेदवार
भाजपच्या मोठ्या आघाडीच्या पार्श्वभूमीवर राष्ट्रवादी पक्षाने खालील चार प्रभागांमध्ये विजय मिळवत उपस्थिती दाखवली—
प्रभाग ४ अ : जावेद इकबाल अब्दुल रशीद – १६३९ मते
प्रभाग ४ ब : सालेहा अंजुम इरफान शाह – १४३० मते
प्रभाग ७ अ : बतुल बी शेख हुसेन कुरेशी – १६२२ मते
प्रभाग ७ ब : परविन बानो शेख नाजीम – १६७० मते
NOTA आणि अपक्षांचे चित्र
काही ठिकाणी मतदारांनी NOTA पर्यायाचा वापर करून आपली नाराजी व्यक्त केली. प्रभाग ३ ब मध्ये सर्वाधिक ६१ मतदारांनी NOTA निवडला. काही अपक्षांना चांगले मताधिक्य मिळाले असले तरी विजय गाठता आला नाही.
निवडणूक प्रक्रियेतील विशेष बाब
या निवडणुकीत सर्व प्रभागांमध्ये अवैध मतांची संख्या शून्य नोंदवली गेली – ही महत्त्वाची नोंद या प्रक्रियेत अधोरेखित झाली.
